"Олтин тўп" учун учун асосий 10 та даъвогар кимлар?

"Goal" портали таҳлилчилари 2025-йил "Олтин тўп" учун янгиланган даъвогарлар рейтингини эълон қилишди. Биринчи ўринда "Ливерпуль" ҳужумчиси, мисрлик футболчи Муҳаммад Салоҳ жой олди.

Иккинчи поғонада Франция терма жамоаси ва "Реал Мадрид" ҳужумчиси Килиан Мбаппе жойлашган. Кучли учликни эса "Барселона" вингери, бразилиялик Рафиня якунлади.

Шунингдек, "Барселона" футболчилари Ламин Ямал ва Роберт Левандовски, "Реал Мадрид"нинг икки юлдузи Винисиус Жуниор ва Жуд Беллингем ҳам даъвогарлар қаторига киритилган. Германия Бундеслига вакиллари ҳам рўйхатдан жой олган бўлиб, "Бавария" ҳужумчиси Харри Кейн, "Байер" ярим ҳимоячиси Флориан Виртс ва "Бавария" футболчиси Жамал Мусиала ҳам "Олтин тўп" учун кураш олиб борадиган футболчилар сифатида эътироф этилган.

Эслатиб ўтамиз, 2024-йилда "Олтин тўп" совринига "Манчестер Сити" ярим ҳимоячиси Родри эга чиққан эди.