Oltita megayulduz! “Real” transfer bozorini portlatmoqchi

Joriy mavsumni sovrinsiz yakunlagan “Real” yangi chempionat oldidan klub tarixdagi eng shov-shuvli transfer kampaniyalaridan birini o‘tkazishga tayyorgarlik ko‘rmoqda.

Klub prezidenti Florentino Peres ham, uning raqibi Enrique Rikelme ham muntazam ravishda katta transferlar haqidagi mish-mishlarni kuchaytirmoqda.

Insayder Fabrizio Romano ma'lumotiga ko‘ra, Peres ayni paytda quyidagi superyulduzlarga katta qiziqish bildirmoqda va saylovda g‘olib chiqqan taqdirda ularni Madridga olib kelishga harakat qiladi:

• Vitinya
• Joau Neves
• Xvicha Kvaratsxeliya
• Dezire Due
• Jamal Musiala
• Xulian Alvares

Birinchi to‘rt futbolchi “Pari Sen-Jermen” sharafini himoya qilmoqda. Musiala “Bavariya”da, Alvares esa “Atletiko Madrid”da to‘p surmoqda.

Yaqinda Peres bir futbolchi uchun 150 million evrodan ortiq mablag‘ taklif qilishga tayyorligini aytgan, ammo uning ismini oshkor qilmagan.