"Омадли тақвим"нинг олтинчи сонида олти нафар ғолиб аниқланди

Яхши биласиз, ўйинимизда иштирок этишни истаганлар 1 дан 36 гача бўлган рақамлар орасидан 6 тасини танлаб олиб, 5454 рақамига (UMS абонентлари 77777) юборишлари талаб этилади. Ғолиб эса одатдагидек онлайн тасодифий рақамлар генератори (Rendomizer) ёрдамида аниқланади.

Rendomizer танлаган 6 рақамнинг барчасини тўғри топган иштирокчи бир йўла iPhone X, ноутбук, телевизор, газ плитаси ва кир ювиш машинасини қўлга киритади. 6 рақамнинг бештасини тўғри топган иштирокчи эса  Redmi русумидаги смартфонга эга чиқади. Агарда, бундай иштирокчилар сони биттадан ортиқни ташкил этса, мазкур смартфон қиймати улар орасида тенг тақсимланади.

Олтинчи сонда тасодифий рақамлар генератори дастлабки рақам сифатида 2 ни танлади ва мазкур рақамни тўғри топган иштирокчилар сони 48149 тани ташкил этади. Rendomizer иккинчи рақам сифатида 11 ни танлади ва 2, 11 рақамларини тўғри топган иштирокчилар сони 3588 тага қадар камайди.

Учинчи рақамдан (21) сўнг эса бизда ғолибликка даъвогарлик қилаётган иштирокчилар сони 334 тани ташкил этди. Генератор тўртинчи рақам сифатида 10 ни танлади ва фақатгина 23 иштирокчи бош совринлар учун курашни давом эттириши маълум бўлди.

Афсуски,  Rendomizer танлаган 18 рақамини юқорида ғолибликка даъво қилган иштирокчилар орасидан ҳеч ким топа билмади.  Олтинчи рақам 12 ва бизда генератор танлаган 2, 11, 21, 10, 18 ва 12 рақамларининг бештасини тўғри топган иштирокчилар сони 6 тани ташкил этди.

Энди эса ушбу олти нафар иштирокчига Redmi русумидаги смартфоннинг қиймати пул кўринишида тақсимлаб берилади. 

+99893 XXX-90-34

+99893 XXX-02-98

+99894 XXX-80-45

+99890 XXX-77-09

+99899 XXX-82-82

+99899 XXX-12-67