Онананинг "Манчестер Юнайтед"га қайтиши даргумон

Андре Онананинг "Манчестер Юнайтед"даги келажаги деярли якунланганга ўхшайди.

"Daily Mail" нашрининг хабар беришича, футболчининг ўзи ҳали ҳам Англия клубида ўзини кўрсатиш истагидан воз кечмаган, бироқ у МЮни тўлиқ тарк этиши кутилмоқда. Ҳозирда камеруниялик дарвозабон "Трабзонспор"да ижара асосида ўйнамоқда.

Манбага кўра, Онананинг вакиллари шу ҳафта Миланга етиб бориб, бир қатор эҳтимолий вариантларни муҳокама қилган. Улар орасида дарвозабоннинг келаси ёзда "Интер"га қайтиши ҳам бор.

Шунингдек, Онана ҳали ҳам Италияда кўчмас мулкка эгалик қилиши таъкидланмоқда. Бироқ трансфер йўлидаги асосий тўсиқ футболчининг юқори маоши бўлиши мумкин.