Oqgul Omonmurodova yakkalik bahslaridagi yurishini to‘xtatdi, ammo...

Qozog‘iston kortlari ITF tasnifidagi turnirga mezbonlik qilmoqda.

E’tiborlisi, unda O‘zbekistonning eng taniqli tennischilaridan biri Oqgul Omonmurodova ham ishtirok etyapti. 38 yoshli vakilamiz yakkalik bahslarini saralash bosqichida yakunlashga majbur bo‘ldi. AQSh sharafini himoya qilayotgan Dana Shakirova Oqgulni 6:2, 6:3 hisobida mag‘lub etdi.

Ammo Omonmurodova juftlikda o‘z yurishini davom ettiradi. Berfu Chengiz bilan tandem hosil qilgan tennischimizga Park Soh Yun hamda Xong Kodi Vong qarshilik qiladi.