Ўринбоев "Пахтакор"дан Бельгия чемпионатига йўл олишга яқин

"Пахтакор" футболчиси Муҳаммадали Ўринбоев янги мавсумни Белгия чемпионатида ўтказиши кутилмоқда.

SPORTS.UZ'га маълум бўлишича, футболчи айни дамда виза масаласи ҳал бўлишини кутмоқда. У Франция орқали Белгияга йўл олади.

"Брентфорт"дан (футболчи ижара асосида тўп тепган эди) фарқли ўлароқ, бу сафар футболчи тўлиқ "Антверпен" аъзосига айланмоқда. Томонлар ўртасидаги шартнома 3-4 йилга имзоланиши кутилмоқда.

Маълумот учун, футболчи Суперлиганинг жорий мавсумида 11 та ўйинда майдонга тушиб, 3 та гол урди ва 1 та голли узатмага муаллифлик қилди.