Ўртоқлик ўйини. Ўзбекистон U-23 терма жамоаси Россияга мағлуб бўлди

Ўзбекистон U-23 терма жамоаси март ойидаги ФИФА кунларида Туркияда ўқув-машғулот йиғинларини ўтказмоқда. Вакилларимиз йиғин доирасида Россияга қарши ўртоқлик учрашувларида майдонга тушишди. Афсуски, футболчилар 2:1 ҳисобида мағлубиятга учради.

Дастлаб, 1-дақиқадаёқ Андрей Ивлев ҳисобни очган бўлса, 44-дақиқада Фирдавс Абдураҳмонов орадаги фарқни йўққа чиқарди. Аммо 60-дақиқада Глеб Попилотов гол уриб, жамоасига ғалабани тақдим этди.

Маълумот учун, Равшан Ҳайдаров шогирдлари кейинги беллашувда Албания билан куч синашади.