Ўртоқлик ўйинидаги ғалаба учун Россия терма жамоасига қанча мукофот пули берилишини биласизми?

Россия терма жамоаси бош мураббийи Станислав Черчесов ва унинг штаби ўртоқлик ўйинларида қозонилган ҳар бир ғалаба ва дуранг учун қанча миқдорда пул мукофоти олиши маълум бўлди.

Baza нашри тарқатган хабарга кўра, ғалаба учун 20 млн рубль, дуранг учун эса 10 млн рубль миқдорида моддий рағбатлантирилади. Ушбу пулларнинг асосий қисми бош мураббий Черчесовга, қолган қисми эса терма жамоа мураббийлари ва ходимларига берилади.

Таққослаш учун, Черчесов жамоаси “ЖЧ-2018”да ҳар бир ғалаба учун 9 млн, дуранг учун эса 4 млн рубль миқдорида мукофот пули олган.