Ўртоқлик учрашуви. "Манчестер Сити" 2 та тўп фарқи билан ютқаза туриб, якунда ғалабани илиб кетди
Ҳалқаро ўртоқлик ўйини доирасида Англиянинг "Манчестер Сити" клуби Япониянинг "Йокогама" жамоасига қарши саф тортди. Қизиқарли ва голларга бой ўтган баҳсда "шаҳарликлар" 5:3 ҳисобида зафар қучди.
Манчестерликлар сафида голларга Стоунз, Альварес, Холанд (дубль) ва Родри муаллифлик қилди. Японияликларнинг 3 голини Андерсон Лопес, Кен Мацубара ва Кента Инуе киритди.
Эслатиб ўтамиз, "Манчестер Сити" 26 июлда "Бавария"га қарши майдонга тушади.
Фикрлар