O‘rtoqlik uchrashuvi. "Manchester Siti" yirik hisobda zafar quchdi. Husanov esa asosiy tarkibda tushdi

O‘rtoqlik uchrashuvidan o‘rin olgan "Palermo" - "Manchester Siti" klublari o‘rtasidagi uchrashuvda "shaharliklar" yirik 3:0 hisobida zafar quchdi. 
 
Dastlab birinchi bo‘limning 25-daqiqasida Erling Xoland hisobni ochishga muvaffaq bo‘ldi. Shundan so‘ng Xosep Gvardiola ikkinchi bo‘lim avvalida norvegiyalik forvarddan tashqari, barcha futbolchilarni o‘zgartirdi. Zaxiradan o‘yinga qo‘shilgan Tiyani Reynders esa 59 va 82-daqiqalarda dublni rasmiylashtirib, o‘yin taqdirini hal qildi (0:3). 

Abduqodir Husanov esa bir bo‘lim to‘liq harakat qildi.
 
Eslatib o‘tamiz, manchesterliklar APLning ilk turini 16 avgust kuni "Vulverxempton"ga qarshi o‘tkazadi.