Ўртоқлик учрашуви. "Рома" Португалия клубини мағлуб этди
Янги мавсумга Португалияда тайёргарлик кўраётган "Рома" назорат учрашувида махаллий жамоа "Белененсеш" устидан 3:1 ҳисобида ғалаба қозонди.
Учрашувнинг 15-дақиқасида мезбонлар футболчиси Ндур ҳисобни очди. Орадан 5 дақиқа ўтиб, Жеко орадаги фарқни йўққа чиқарди. Биринчи бўлим 1:1 ҳисобида якунланди.
Иккинчи таймни Моуриньо шогирдлари фаол бошлади. Ўйиннинг 56-дақиқасида Заньоло гол уриб, "бўрилар"ни олдинга олиб чиқди. Учрашувнинг сўнгги дақиқаларида Борха Майоралнинг голи баҳсга нуқта қўйди.
Куни кеча "Рома" билан шартнома имзолаган Элдор Шомуродов бугунги ўйин қайдномасига киритилмади.
Фикрлар