O‘runovning kelajagi porloq!

Rossiya premer-ligasi vakili “Ufa” bosh murabbiyi Vadim Evseev jamoadagi futbolchilarning aksariyati bo‘yicha o‘z fikrlarini bildirdi. U kimlarnidir maqtadi, ayrimlarga e’tiroz bildirdi.

Vadim Evseev o‘zbekistonlik legioner Oston O‘runovga ham o‘z munosabatini bildirdi.

- O‘runov “Ufa”ga yaqinda o‘tdi. Lekin katta salohiyatga ega ekanini namoyish qilmoqda. Uning kelajagi porloq. Hammasini joyida hal qilyapti, - dedi bosh murabbiy.

Bugungi kunda Rossiya premer-ligasidagi o‘zbekistonlik futbolchilar Eldor Shomurodov va Oston O‘runovning o‘yini ko‘plab muxlisu mutaxassislar tomonidan yuqori baholanmoqda.