Орзудаги совринни Моуриньо олиб беради. Европа гранди Жозени чақиряпти.

“Рома” бош мураббийи Жозе Моуриньо ёзда жамоасини ўзигартириши мумкин. Маълумотларга қараганда, ПСЖ раҳбарияти португалиялик мураббийнинг хизматларига эҳтиёж сезмоқда.

Манбанинг таъкидлашича, ПСЖнинг ёзга белгилаган энг катта трансфери – айнан Жозе Моуриньони Римдан Парижга кўчиб келиш экан. Парижликлар машҳур мураббий ёрдамида клубга армон бўлиб келаётган Европа Чемпионлар лигаси бош совринини қўлга киритмоқчи.

Клубнинг португалиялик спорт директори Луиш Кампуш Моуриньо билан шахсий алоқаларидан фойдаланиб, уни клубга олиб келмоқчи.

Ҳозирги бош мураббий Кристоф Галтье Неймар, Лионель Месси ва Килиан Мбаппе каби юлдузларга гапини ўтказа олмаяпти.