Орзусига пул билан етишни мақсад қилган грандлар (фото)
Англиялик журналист Кевин Палмер сўнгги беш йилда трансферларга катта маблағ сарфлаган клублар рейтингини тузиб чиқди.
Ушбу рейтингнинг биринчи поғонасидан “Манчестер Сити” жой олди. Бу клуб гранд мақомини ушлаб қолиш мақсадида сўнгги беш йилда трансферларга 602 миллион фунт сарфлаган. Албатта, бу харажатлар ўзини оқлади. Гвардиола шогирдлари кетма-кет икки мавсумдан буён чемпионликни ҳеч кимга бермай келмоқда. Қолаверса, “Ман Сити” беш йил ичида биттадан кумуш ва бронза медални ҳам қўлга киритган.
Иккинчи ўринда бораётган “Манчестер Юнайтед” беш йилда трансферларга 484,8 миллион фунт сарфлаб, атиги бир марта иккинчи ўринни эгаллади. 267.8 миллион фунт харажат билан учинчи ўринда бораётган “Арсенал” биттадан кумуш ва бронзага эга чиқди.
Англия чемпионлигини қўлга киритишга яқин турган “Ливерпуль” эса 107,5 миллион фунт харажат билан 14-поғонада бормоқда.
.jpg?1591594739368)
Фикрлар