Osimxen pulni tanlab, Evropani tark etadigan bo‘lyapti

  • 29 avgust, 2024, 11:01
  • Zohir Toshxo’jayev
  • 0
  • Futbol
TIGGO 2 PRO

Bir necha grand klublardan taklif olgan Viktor Osimxen faoliyatini Saudiya Arabistonida davom ettirishi kutilmoqda.

Taniqli insayder Janluka Di Martsioning yozishicha, 25 yoshli nigeriyalik to‘purar “Al-Ahli” safiga qo‘shilishga tayyor. Ayni paytda Jidda shahri klubi transferni yakunlash bo‘yicha ish olib bormoqda.

Osimxenga PSJ va “Chelsi” kabi badavlat klublardan chorlov bo‘lgandi. Viktor ulardan o‘ta katta maosh talab qildi. Xususan, “aristokratlar” uni olishga bir necha marotaba urinib ko‘rdi. Hujumchi haftasiga 500 ming funt maosh talab qilgani londonliklarga to‘g‘ri kelmadi.

Transfermarkt portali Viktor Osimxenning transferini 100 million evroga baholanmoqda. Saudiyalik shayxlarda “Napoli” va Osimxenning talablarini qondirish uchun moddiy manbalar etarli ekani aytilmoqda.

Fikrlar

Sort comment:
Fikr qoldirish uchun avtorizatsiyadan o'ting!