Осиё чемпионати. Дастлабки кунда дзюдочиларимиз 3 та медалга эга чиқди

Хитойнинг Ордос шаҳрида бошланган дзюдо бўйича катталар ўртасидаги Осиё чемпионатининг биринчи кунги ғолиб ва совриндорлари маълум бўлди. 

Бугун 5 дзюдочимиз баҳсларга киришган бўлса, улардан 3 нафари якунда шоҳсупага кўтарилди. Финалга етиб келган Лазиза Ҳайдарова (-48 кг) ва Сита Кадамбаева (-52 кг) кумуш медални қўлга киритди. 

Самариддин Қўчқоров (-60 кг) эса учинчи ўрин учун кечган беллашувда қозоғистонлик Шерзод Давлатовни мағлубиятга учратиб, бронза медалига сазовор бўлди. 

Ўзбекистон терма жамоаси биринчи кунги беллашувлардан сўнг 2 та кумуш, 1 та бронза медали билан умумжамоа ҳисобида тўртинчи ўринни эгаллаб турибди.

Кумуш медал:
-48 кг: Лазиза Ҳайдарова 
-52 кг: Сита Кадамбаева 

Бронза медал:
-60 кг: Самариддин Қўчқоров

Бу ҳақда Ўзбекистон дзюдо федерацияси матбуот хизмати хабар бермоқда.