Осиё кубоги. Гонгконг ярим ҳимоячиси турнирнинг 1000-голини урди

БАА ва Гонгконг ўртасида бўлиб ўтган учрашувда Пауло Бенто шогирдлари ишончли тарзда ғалаба қозониб, гуруҳида пешқадамга айланиб олди. 

Ўйиннинг 34-дақиқасида Аламири пенальтидан ҳисобни очган бўлса, 49-дақиқада Кван Чан имкониятларни тенглаштириб қўйди. Бу гол эса ОЧК тарихига кирди. Иккинчи бўлимда БАА таркибидан Султон ва Гассанилар бир мартадан дарвозани ишғол қилиб, орадаги фарқни иккитага ошириб қўйди. 

Учрашувда мағлубиятга учрашига қарамай, гонгконгликлар тарихга кира олди, яъни Чан Осиё кубогининг 1000-голига муаллифлик қилишга муваффақ бўлди. Турнир тугашига 44 та ўйин бор ва яна бир нечта рекордлар янгиланиши кутилмоқда.