Осиё кубоги. Ўзбекистон U-17 терма жамоаси илк турда Япония билан дуранг ўйнади
17 ёшгача бўлган футболчилар ўртасидаги Осиё кубоги гуруҳ босқич 1-туридан ўрин олган Япония - Ўзбекистон баҳси якунланди. Унда вакилларимиз 1:1 ҳисобидаги дурангга имзо чекди.
Рақибларнинг голи 8-дақиқада киритилди. Қанотдан ошириб берилган тўпга Ютака Мичиваки боши билан зарба берди ва посбонимизни доғда қолдирди. 80-дақиқада эса захирадан майдонга тушган Амирбек Саидов аниқ зарбаси билан мувозанатни тиклади - 1:1.
Эслатиб ўтамиз, ҳамюртларимиз 2-турни 3 кундан кейин 20 июнда ўтказади. Шу санада Жамолиддин Раҳматуллаев шогирдларига Ҳиндистон термаси рақиблик қилади. Беллашув 17:00 да старт олиши кўзда тутилган.
Фикрлар