Осиё кубоги саралаши. "E" гуруҳининг ҳал қилувчи баҳсига Рустам Лутфуллин тайинланди

U-17 Осиё Кубоги-2023 саралаш босқичи доирасида "E" гуруҳи вакиллари Яман - Бангладеш ўйини Рустам Лутфуллин бошчилигидаги ҳакамлар гуруҳига ишониб топширилди. Унга биринчи ёрдамчи ҳакам сифатида ҳамюртимиз Андрей Сапенко ёрдам беради. Улар билан биргаликда қирғизистонлик Салибаев Элдияр (ёрдамчи ҳакам) ҳамда гонконглик Там Пинг Вун (тўртинчи ҳакам) ишлашади.

Ушбу учрашув 9 октябрь куни Тошкент вақти билан 18:00 да бўлиб ўтади.

Эслатиб ўтамиз, "E" гуруҳи ўйинлари Дака (Бангладеш) шаҳрида бўлиб ўтмоқда.

Манба: Ўзбекистон футбол ҳакамлари маркази матбуот хизмати.