Осиё кубоги U-23. Ўзбекистон жой олган гуруҳдаги терма жамоалар ҳақида маълумотлар

Бугун 23 ёшлилар ўртасида Осиё кубогига старт берилади. Ўзбекистон жой олган "А" ва иккинчи "B" гуруҳида 4 та ўйин бўлиб ўтади.

Дастлаб 18:00 да Эрон - Қатар учрашуви старт олади. Бу ўйин билан параллел Австралия - Қувайт беллашуви старт олади. 

Шунингдек, терма жамоамизнинг Туркманистонга қарши баҳси 20:30 да старт олади. Бугунга белгиланган сўнгги учрашув 22:00 да Иордания ва Ироқ жамоалари ўртасида бўлиб ўтиши режалаштирилган.

Шу муносабат билан биз вакилларимиз жой олган гуруҳдаги рақиблар ҳақида маълумот берамиз. 

Эрон.

Саралаш босқичида 9 гол урган ва 2 гол ўтказиб юборган ҳолда, гуруҳ ғолиби сифатида Осиё кубогига йўл олган. Бу жамоа 3-маротаба бу мусобақада иштирок этмоқда.

Форсларнинг энг яхши натижаси 2016-йилда чорак финалга чиққани ҳисобланади. Эрон термаси бош мураббийи Меҳди Маҳдавакия саналади. У 1996-2009 йиллар оралиғида Эрон миллий терма жамоаси шарафини ҳимоя қилган.   

Қатар.

Саралаш босқичида 9 гол урган ва 1 гол ўтказиб юборган ҳолда, гуруҳ ғолиби сифатида Осиё кубогига йўл олган. Бу жамоа 3-маротаба бу мусобақада иштирок этмоқда. 

Қатарликларнинг энг яхши натижаси 2018-йилда 3-ўринни қўлга киритгани ҳисобланади. Қатар термаси бош мураббийи чилилик Николас Кордова саналади. 

Туркманистон.

Саралаш босқичида 3 гол урган ва 2 гол ўтказиб юборган ҳолда, энг яхши 2-ўрин соҳиби сифатида Осиё кубогига йўл олган. Бу жамоа  илк маротаба бу мусобақада иштирок этмоқда.

Туркманистон термаси бош мураббийи Аҳмет Агамуратов саналади.