Osiyo o‘yinlari. Yana qaysi sportchilarimiz bugun musobaqalarda ishtirok etadi? (To‘liq jadval)

Xitoyda bo‘lib o‘tayotgan Osiyo o‘yinlari o‘zining avj pallasiga kirmoqda. Bugun, qaysi sportchilarimiz kurashlarga qo‘shilishi borasidagi savollarga javob berib ketamiz!

Osiyo o‘yinlari. Tongda bo‘lib o‘tgan voqealar dayjesti:

7:10. Triatlon bo‘yicha o‘tkazilgan musobaqada Arslon Tursunov va Aleksandr Kurishovlar ishtirok etdi. Kurishov finalga qadar etib bora olmagan bo‘lsa, Tursunov 1:57:31 soniya natija bilan 8 o‘rinni band etdi.

7:31. 10 metrdan o‘q otish bo‘yicha o‘tkazilgan bahslarda Sitora Ergashboeva ishtirok etdi. Yakunda 561 ochko jamg‘argan atlet 41 o‘rinda musobaqani yakunladi.

7:50. 50 metrga brass usulida suzish bo‘yicha musobaqalarda ishtirokini boshlagan Egor Petryakov o‘z saralash guruhida birinchi o‘rinni oldi, ammo u qayd etgan natija final yo‘llanmasini taqdim etgani yo‘q.

8:40. Qilichbozliknin Sablya yo‘nalishidagi ishtirokini muvaffaqiyatli davom ettirayotgan ayollar terma jamoasini mezbon - Xitoy bilan juda og‘ir kechgan bahsda g‘alaba qozonib, final yo‘llanmasini qo‘lga kiritdi. Final bahsi Yaponiya qizlarimizga qarshilik ko‘rsatadi. Bahs Toshkent vaqti bilan 15:00 da boshlanadi.