Осиё Паралимпия қўмитаси президенти Тошкентга келди

Осиё Паралимпия қўмитаси президенти Мажид Рашед Ўзбекистонга келди. Мартабали меҳмонни Тошкент халқаро аэропортида Осиё Паралимпия қўмитаси вице-президенти – Ўзбекистон Миллий паралимпия қўмитаси раиси Мухторхон Ташходжаев кутиб олди.

Ташриф давомида Мажид Рашед 2025 йил Ёшлар ўртасидаги IV Осиё ва V Пара Осиё ўйинларини ўтказиш учун Тошкентда барпо этиладиган Олимпия шаҳарчасининг қурилиш ишлари бошланиши муносабати билан тамал тоши қўйилишига бағишланган тантанали тадбирда иштирок этади.

Шунингдек, Мажид Рашед Спортни ривожлантириш вазири Адҳам Икрамов билан ҳам учрашиши режалаштирилган.