Осиё самбо Иттифоқи президенти: Ўзбекистон бундан ҳам катта турнирларни ўтказишга қодир
Ads

Аниқроқ айтадиган бўлсак, айни кунларда ўсмирлар ва ёшлар ўртасидаги жаҳон чемпионати баҳслари бўлиб ўтмоқда. Кеча турнирнинг очилиш маросими ва дастлабки кунги беллашувлар бўлиб ўтган бўлса, бугун мазкур турнирга бағишланган матбуот анжумани бўлиб ўтди.

Унда Осиё Самбо Иттифоқи президенти Алам Муллаев, Бутунжаҳон самбо Федерацияси президенти Василий Шестяков, Ўзбекистон самбо ассоциацияси президенти Алишер Алимовлар иштирок этишди.

Алам Муллаев: "Осиёда ҳам самбо ривожланиб бормоқда. Айниқса, Ўрта Осиё мамлакатлари бу борада етакчилардан саналади. Биласиз, самбо Осиё ўйинларига киритилган ва ўтган йили Жакарта ҳама Палембангда бўлиб ўтган қитъа биринчилигида бир нафар спортчимиз олтин медални қўлга киритиб, делегациямиз ҳисобига 21-олтинни олиб келган эди. Биз бу борада Эронни ортда қолдиришга эришган эдик.

Кеча Бутунжаҳон самбо Федерацияси президенти Всилий Шестяков билан ҳам мулоқотда бўлдик ва шуни таъкидладимки, Ўзбекистон бундан ҳам катта мусобақалар ўтказишга тайёр. Келажакда мазкур спорт турининг юртимиздаги келажаги порлоқ деб айта оламан".