Осиёлик футболчи Гвардиола назарига тушди

Италия чемпионлигини қўлга киритган “Наполи” етакчиларидан бири Ким Мин Жэ бир неча гранд клублар нишонида турибди.

Fichajes нашрининг маълум қилишича, “Манчестер Сити” бош мураббийи Хосеп Гвардиола кореялик ҳимоячининг маҳоратини юқори баҳолаяпти. “Шаҳарликлар” жисмонан бақувват бу футболчини олиш учун “Манчестер Юнайтед” билан рақобатга киришишга тайёр.

Манбаларнинг таъкидлашича, Манчестер шаҳрининг ҳар икки жамоаси Ким учун 60 миллион евро миқдорида харажат қилишга тайёр.

Гвардиола Кимни ёзда жамоани тарк этиши кутилаётган Эмерик Лапорт ўрнига олиб келмоқчи. Лапортнинг ўзи “Барселона”га ўтишга яқин турибди.