Оскар Пиастри - 21-асрда "Катта дубулға" ютган биринчи "Макларен" пойгачиси!

Австралиялик 24 ёшли "Макларен" пойгачиси Оскар Пиастри Нидерландия Гран-приси якунларига кўра, "Формула-1"да "Катта дубулға" (Гранд Слам)ни қўлга киритган Британия жамоасининг XXI асрдаги биринчи пойгачиси бўлди - саралашда поул-позицияни қўлга киритди, пойгада ғалаба қозонди, ҳар бир айланада марра сари етакчилик қилди, шунингдек, тезкор айланани ўрнатди.

Бундан ташқари, Пиастри Формула-1 пойгаларида Жек Брейбхемдан кейин бу натижага эришган биринчи австралиялик пойгачига айланди. У 1966-йилги мавсумда "Катта дубулға"ни қўлга киритган.

Нидерландия Гран-приси натижаларига кўра, Оскар Ф-1 Пойгачилар Жаҳон чемпионати рейтингида пешқадамлигини мустаҳкамлади. У ҳозирча 309 очко тўплаган. Иккинчи ўринни эса унинг шериги Ландо Норрис 275 очко билан банд этган.