Остон Ўрунов спорт залида (фото)

Жорий мавсум Россия Премьер-лигаси аутсайдерлари қаторига тушиб қолган "Уфа"да аҳвол анча оғир. Жамоа ички биринчиликдаги сўнгги 7 ўйиндан 6 тасида имкониятни бой берди.

Шу сабабли, бош мураббий Рашид Рахимов истеъфога чиқарилди ва энди уфаликлар элитада қолиш учун янгича усулда кураш олиб бормоқчи. Маълумотларга қараганда, клуб раҳбарлари Алексей Стукалов билан музокаралар олиб борган ва масала ижобий ҳал бўлган.

Ҳозирча бош мураббийсиз қолган Ўрунов жамоадошлари бугун спорт залида машғулот ўтказди. Жамоа матбуот хизмати ушбу жараёндан фотосуратларни тақдим этди. Унда ҳамюртимиз анча тер тўкканига гувоҳ бўлиш мумкин.

"Уфа" кейинги ўйинини меҳмонда ўтказади. Россия кубоги чорак финалидан ўрин олган учрашувда "Ахмат" "Уфа"ни қабул қилади. Беллашув 7 апрель куни бўлиб ўтади.