Отабек Шукуров: Эртанги баҳсда Жаҳон чемпионатига чиқиш учун ҳаракат қиламиз

Ўзбекистон терма жамоаси етакчиларидан бири - Отабек Шукуров эртага Қатар терма жамоасига қарши кечадиган ЖЧ-2026 саралаш учрашувидан олдин ўтказилган матбуот анжуманида иштирок этди ва қуйидаги фикрларни билдирди:

- Эртанги ўйинга тайёрмиз, муҳими асосий таркиб футболчиларининг барчаси шу ерда. Осиё кубоги бошқа турнир, ундаги натижанинг қадри ҳам ўзгача эди. Ўшанда пенальтилар сериясида мағлуб бўлдик, уни лотореяга қиёслаш мумкин. Эртанги баҳсда эса Жаҳон чемпионатига чиқиш учун ҳаракат қиламиз.

Эслатиб ўтамиз, ЖЧ-2026 учинчи саралаш босқич 5-туридан ўрин олган Қатар - Ўзбекистон учрашуви эртага Тошкент вақти билан соат 21:15 да старт олади. Ҳозирда Сречко Катанец қўл остидаги терма жамоамиз 10 очко жамғарган ҳолда Эрон билан "А" гуруҳида 1- ва 2-ўринларни эгаллаб турибди.