Отабек Тохиров "ACA 163" турнирида жанг қилади

22 сентябрь куни Беларуснинг Минск шаҳрида “ACA 163” турнири бўлиб ўтади. Биз учун аҳамиятли жиҳати, ушбу жанг кечасида ҳамюртимиз Беҳзод Жиянов ҳамда Нурсултон Рўзибоев шогирди саналувчи “Nursulton Team” клуби вакили Отабек Тохиров ҳам ўз жангини ўтказади. Аслида, юртдошимиз жангларини енгил вазн (70,3 кг) тоифасида ўтказиб келарди. Бу сафар оралиқ вазн 68 кгда октагонга кўтариладиган бўлди. Унга Россия вакили Игорь Ольчонов рақиблик қиладиган бўлди.

Маълумот учун, Отабек Тохировнинг рекорди 7-3 бўлса, Ольчоновнинг кўрсаткичи 6-3 кўриниш олган.