Ўтган мавсумда энг кўп мукофот пули олган клублар аниқланди

2022-йилда энг кўп мукофот пулини қўлга киритган Европа клублари рейтинги тузилди.

"AP News" нашри хабарига кўра, биринчи ўринни "Реал" Мадрид эгаллади. "Қироллик клуби" нинг мукофот жамғармаси 133,7 миллион еврони ташкил қилди.

Иккинчи ўринни Англиянинг "Ливерпуль" жамоаси эгаллади. Мерсисайдликлар ўтган йили 120 миллион евро билан мукофотланди. Кейинги ўринларни "Бавария" (110 миллион), "Манчестер Сити" (109 миллион) ва "Челси" (92 миллион) эгаллади.

Эслатиб ўтамиз, "Реал" ўтган мавсумда Чемпионлар лигасида ғолиб бўлган эди. Финал учрашувида Карло Анчелотти шогирдлари "Ливерпуль" устидан 1:0 ҳисобида ғалаба қозонган эди.

Фикрлар

Фикр қолдириш учун авторизациядан ўтинг!