Ўхшамаган трансфер!

“Тоттенхэм” ярим ҳимоячиси Танги Ндомбеленинг кейинги пайтда ишлари юришмаяпти. Франциялик қимматбаҳо футболчи 2019 йили Лондонга келганидан бери “шпорлар”нинг асосий ўйинчисига айлана олмади.

Лондонликлар бу футболчи учун ўз тарихидаги рекорд сумма – 63 миллион евродан кўпроқ пул сарфлаган эди.

Бир неча мураббий ишончини оқлай олмаган футболчига Антонио Конте ҳам имконбермади. Қишда Танги ўзини тарбиялаган “Лион”га ижарага берилганди. Бироқ, Ндомбеленинг ҳаракатлари Франция чемпионатида ҳам ҳеч қандай самара бермади.

“Лион” раҳбарияти қимматбаҳо футболчини тўлиқ трансфер қилиш ҳуқуқидан фойдаланмайдиган бўлди. Энди Танги мавсум тугаши билан Англияга қайти б, ўзига янги жамоа қидиради.