Ўйин курашларга бой бўлди, лекин ақлни ишлатмадик

Coca Cola Суперлигасининг 19-туридан ўрин олган "Машъал" – АГМК учрашувидан кейин меҳмонлар бош мураббийи Миржалол Қосимов матбуот анжуманида иштирок этди.

- Учрашувга тайёргарлик кўргандик. Лекин пандемия, ФИФА кунлари сабабли юзага келган танаффуслар футболчиларни ритмдан чиқариб юбораётгани кўриниб турганди. Бугунги баҳсни жуда ҳам қийин бошладик. Ўйинимиз кўнгилдагидек чиқмади. Бироқ курашларга бой, жанговор ўйин бўлди, албатта. Биринчи таймда “Машъал”нинг хатоси туфайли ҳисобда олдинга чиқиб олдик. Ритмга тушиш учун кейинги турларда қўшиб борамиз. Ҳар доим катта танаффуслар ўз таъсирини кўрсатади. Лекин "Машъал" жамоаси ҳам яхши ҳаракат қилди, йигитлар ўйинга чанқоқ эди. Бироқ якунда тажриба ўз сўзини айтди. Кейинги ўйинларда "Машъал"га омад тилайман.

"Насаф"нинг ОФК лицензиясидан ўта олмагани кейинги турда АГМК билан баҳсда устунлик берадими? Йўқ, унақа деб ўйламайман, бу ҳолат ҳеч кимнинг хаёлида ҳам йўқ. Ҳар бир учрашувга доимгидек тайёргарлик кўрамиз. Айтилаётган гап кейинги йил учун. Биз эртани ўйлашимиз керак. "Насаф"га қарши беллашув жуда қизиқарли кечади. Негаки, бу рақиб ёш, ўйинга чанқоқ йигитлардан иборат. Бердиев ажойиб жамоа шакллантирган. Медаллар учун ўйин бўлади, биз учун "олти очко"лик учрашувдир.

Бугун биринчи ва иккинчи тайм курашларга бой ўтди, аммо ақлни ишлатмадик. Бунга битта сабаб – ритмдан чиқиш... Курашда ютқазганимиз йўқ, бироқ футболда фақат кураш эмас, ақлни ҳам ишлатиш лозим, - деди Миржалол Қосимов.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Shaymardonov Nurbek Nasimovich
18/10/2020 04:56
AGMK uyin kursatmadimi yoki uzi uyinni shumi. kup uyinlari kuraman umuman uyin yuq. shunchaki 5 ta uyinchi almashterish va zaminani uyinchilari ham tajribalik evaziga yutkanday lekin beron uyinni kurmadim. bir taktika yoki biron uyinga tashkillashterilgani. shu yil uzi Chempionat safiyasi pasmi deymanda. AGMK 2 uringa yurgani hisobka olsa shu uyinni bilan. ha nima bulganda ham Yosh va tajribasi sahal kamroq. lekin uyinni jihatdan kuchli klubka qarshi uynarkan bundan keyingi uyinga Nasafka qarshi uynarkan. ochigi Uzbekistonga har qancha maqtasa arziydi shu Nasafni.

Минбар

Барча блоглар