O‘zbek futbolida yangilik!

Pro-ligada peshqadamlar safida borayotgan va Superligaga qaytishga asosiy da’vogarlardan biri bo‘lgan “Andijon” klubi tez orada ochiq aktsiyadorlik jamiyatiga aylantiriladi. Bu haqda O‘zbekiston Professional futbol ligasi bosh direktori Diyor Imomxo‘jaev o‘zining telegramdagi kanalida ma’lum qildi.

“Andijon” klubi tez orada ochiq aktsiyadorlik jamiyatiga aylanadi. Klub aktsiyalarini istalgan jismoniy yoki yuridik shaxs xarid qilishi mumkin bo‘ladi.

Bu O‘zbekiston futboli uchun navbatdagi yangi qadam, yangi davrga aylanadi. Klub qoshida ishlab chiqarish va pul keltiradigan qator korxonalar bo‘lishi ko‘zda tutilgan. Va albatta klub o‘z aktsionerlari oldida hisobdorga aylanadi. Viloyat jamoasi hokim yoki qandaydir ijtimoiy yuklama orqali klubga homiylik qilayotgan biror tashkilotga qaram bo‘lib qolmasligi muhim”, - deyiladi xabarda.