Ўзбекистон - Қирғиз Республикаси: Учрашувни ким шарҳлайди?

Хабарингиз бор, бугун Ўзбекистон миллий терма жамоаси Жаҳон чемпионати-2026 саралаши доирасида Қирғиз Республикаси билан ўйнайди. "Спорт" каналида эфирга узатилувчи мазкур беллашувни Даврон Файзиев ва Хайрулла Ҳамидов биргаликда шарҳлаб боради. 

"Жаҳон чемпионати йўлида ҳар бир ўйин финалдир. Бугун Қирғиз Ресрубликаси билан ҳам қаттиқ кураш бўлади. Қўшнилар ким билан ва қандай футболчиларга қарши ўйнаётганини яхши билишади ва шунга яраша режа билан келишган. Агар ёпиқ ўйнашса индивидуал ҳаракатлар ҳамда вазиятлардан фойдаланиш самарадорлиги ҳал қилади. Юзма-юз чиқишса жамоавий футбол ва босим билан ҳал этишга уринамиз, насиб қилса!

Тайёргарлик жараёни қизиқ кечди, шу ва бошқа маълумотлар ҳақида шарҳда тўхталамиз. Бугун Спорт телеканалида Хайрулла ака билан ишлаймиз. Кўрмай иложи йўқ бўлган ўйинда кўришамиз", - дея ўз телеграмм какалида хабар берди Даврон Файзиев.

Эслатиб ўтамиз, ЎЗБЕКИСТОН - ҚИРҒИЗ РЕСПУБЛИКАСИ баҳси соат 21:00да "Бунёдкор" стадионида старт олади.