Ўзбекистон чемпионатининг "Энг яхшилари" аниқланди!

Олимпия шаҳарчасининг "Яккакурашлар" аренасида ташкил этилган катталар бўйича Ўзбекистон чемпионати ўз поёнига етди.

Анъанага мувофиқ чемпионатнинг энг яхшилари аниқланди. Унга кўра, "Энг яхши аёл боксчиси"дея Азиза Зокирова топилди. Албатта, Азиза барча рақибаларини бир бош устунлик билан мағлубиятга учратди ва ушбу номинацияга эга чиқди.

 "Энг яхши эркак боксчиси" эса Самандар Олимов бўлди. Самандар ҳам бутун чемпионат мобайнида ўзининг техникаси, тезлиги ва рингдаги ақл билан ҳаракатлари эвазига мухлислар ва мутахассисларнинг меҳрини қозона олди. 

"Энг яхши терма жамоа" эса 3 та олтин, 4 та кумуш ва 2 та бронза медалини қўлга киритган, Мудофаа вазирлиги жамоасига насиб этди. 

Фарғоналиклар эса 3 та олтин, 1 та кумуш ва 3 та бронза медалига эга чиққан бўлса, Самарқанд жамоаси 2 та олтин ва 2 та кумуш билан кучли учликни якунлаб берди.

Бу ҳақда Ўзбекистон бокс федерацияси хабар бермоқда.