O‘zbekiston kubogi. 1/8 finalning barcha ishtirokchilari ma’lum bo‘ldi

O‘zbekiston kubogining guruh bosqichi o‘z yakuniga etdi. Guruhlarda dastlabki ikki o‘rinni egallagan jamoalar 1/8 finalga yo‘llanma oldi. 

“Sport” telekanali bilan kelishuv asosida 1/8 final uchun jonli efirda qur’a tashlanadi. Jarayon 5-iyun kuni 19:30 dan boshlab to‘g‘ridan-to‘g‘ri ko‘rsatiladi. 

Ma’lumot uchun, O‘zbekiston kubogida guruh g‘oliblari etakchilar savatidan joy oladi va ular 1/8 final bellashuvini o‘z maydonida qabul qilish huquqini qo‘lga kiritadi. Qur’a guruh bosqichida o‘zaro kurash olib borgan ikki jamoani qayta uchrashtirishi mumkin.