Ўзбекистон кубоги. 1/8 финалига 23 май куни қуръа ташланади

21 май санасида Ўзбекистон кубогининг гуруҳ босқичи ўйинлари якунига етади. Спорт принсипларига амал қилинган ҳолда гуруҳлардаги сўнгги тур беллашувлари бир вақтда старт олади. 

Июнь ойининг иккинчи ярмида 1/8 финал ўйинлари ўтказилади. Мазкур босқичга 23 май куни қуръа ташланади. Жараён жонли эфирда намойиш этилади. Шу куни Суперлига 11-тури "Андижон" - "Сурхон" ўйини билан старт олади. Режага кўра, қуръа айнан шу беллашув олдидан ўтказилади. 

Маълумот учун, гуруҳни пешқадам сифатида якунлаган жамоа 1/8 финалдаги рақибини ўз майдонида қабул қилади.