Ўзбекистон кубоги. 4 очко тўплаган Про-лига клуби гуруҳдан чиқа олмади

Ўзбекистон Кубоги 3-туридан ўрин олган АГМК - "Зомин" баҳси якунига етди. Ушбу ўйинда мезбонлар йирик 4:1 ҳисобида ғалаба қозонди.

Олмалиқликларнинг тўрт голи Александр Касян, Алишер Жалилов, Шоҳруҳ Гадоев ва Хуршид Ғиёсов ҳисобига қайд этилди. Меҳмонларнинг ягона голига Лутфулло Файзуллаев муаллифлик қилди. 

Шу тариқа, АГМКнинг очколари сони 7 тага етди ва жамоа 1-ўрин билан гуруҳдан чиқиш масаласини ҳал қилди. "Зомин" ушбу гуруҳда  4 очко тўплашга муваффақ бўлди. Аммо 5 очко тўплаган "Локомотив"дан ўтиб кетишга эриша олмади.