Ўзбекистон кубоги доирасидаги ОКМК - "Локомотив" учрашуви "Пахтакор" стадионига кўчирилди

ОКМК спорт мажмуасининг ёритиш тизими тўлиқ янгиланаётгани ва ушбу жараён яқин бир ҳафта муддат давомида амалга оширилиши сабаб, жамоанинг Ўзбекистон кубоги 1/8 финал босқичи доирасида 2 август куни "Локомотив"га қарши кечадиган учрашуви "Пахтакор" стадионида бўлиб ўтади.

Олмалиқликларнинг Cоcа-Cоlа Суперлига 16 тури доирасида "Олимпик" клубига қарши кечадиган баҳси янгиланган ОКМК спорт мажмуасида ўтказилиши режалаштирилмоқда.