Ўзбекистон кубоги. Финалда пенальти ва сариқ карточкалар "шодаси"ни кўришимиз мумкин. Сабаби...

Бугун 17:00 да Ўзбекистон кубогининг финал ўйини старт олади. Унда Наманганнинг "Навбаҳор" жамоаси Қаршининг "Насаф" клубига қарши саф тортади.

Мазкур баҳсда бош ҳакам сифатида Вадим Агишев иш олиб боради. Унга қанотларда Ҳусниддин Шодмонов ҳамда Обид Жумаев ёрдамлашади. Захира ҳаками – Темурбек Тўхтасинов.

Аҳамиятлиси, Агишев бу мавсум умумий ҳисобда 20 та учрашувда бош ҳакамлик қилган ва футболчиларга 75 та сариқ карточка кўрсатган. Бу ўртача ҳисобда бир ўйинга 3,75 та сариқ карточкага тенг.

Шунингдек, рефери 20 беллашувда 8 маротаба 11 метрлик жарима зарбасига ишора қилган. Ўртача ҳисобда ҳар 2,5 ўйинда битта пенальти.

Қизил карточкалар сони иккитани ташкил этади. Яъни ҳар 10 баҳсда битта четлатиш.

Биз ҳакамларга финалда муваффақият тилаб қоламиз. Бугун уларга кўп нарса боғлиқ. Чиройли ва адолатли футбол кўрамиз, деган умиддамиз!

ЎзПФЛ маълумотлари асосида Шоҳрух Зоиров тайёрлади.