Ўзбекистон Кубоги финалини бошқарадиган саудиялик ҳакам жуда қаттиққўл. У ҳақида нималарни биласиз?
Маълумки, бу йилги Ўзбекистон Кубоги финалига ҳар қачонгидан қизиқиш ўта юқори даражада. Барча кутаётган “Навбаҳор” ҳамда “Андижон” ўртасидаги ўйинни эса хорижлик ҳакамлар бошқаришидан хабарингиз бор. Саудия Арабистонилик Холид Солиҳ ал-Тураис ҳақида маълумот бериб ўтмоқчимиз.
У 1987 йилнинг 30 апрель санасида таваллуд топган. Ҳакамлик фаолиятини 2008 йилдан бошлаган. 2016 йилдан эса ФИФА реферисига айланган. Бу йилги мавсумда у шу кунгача 16 та турли даражадаги учрашувларни бошқарган. Саудиялик ҳакам ўзи бошқарган ўйинларда футболчиларга жами 60 та сариқ карточка кўрсатган ва 4 марта майдондан четлатган. Шунингдек, 6 та баҳсда пенальти белгилаган.
Эътиборлиси, Холид Солиҳ ал-Тураис ўзи бош ҳакамлик қилган барча беллашувларда камида битта бўлса ҳам сариқ карточкасини кўрсатган. Кўриниб турибдики, у майдонда жуда қаттиққўл ва тартиб-интизомни биринчи ўринга қўяди.
22 август куни Саудия Арабистони про лигаси доирасида “Ал Насср”нинг “Ал Райед”га қарши учрашуви 1:1 ҳисобида якунланган. Жаҳон футболи юлдузи Криштиану Роналду ал-Тураиснинг белгилаган пенальтисидан кейин гол урган. Шунингдек, ўша баҳсда бош ҳакам Роналдунинг голини ВАР орқали бекор ҳам қилган.
Маълумот учун, ал-Тураис 2023 йилги Осиё Кубогида Ўзбекистон ҳамда Таиланд ўртасидаги учрашувда АВАР ҳаками бўлиб ишлаган.
Бундан ташқари, Ўзбекистон Кубоги финалларининг иккитасида ҳам хорижлик ҳакамлар ишлашган. 2014 йили “Бунёдкор” – “Локомотив” (0:1) ўртасидаги учрашувни кореялик Ким Донг Жин бошқарган бўлса, 2017 йилда ҳам яна “Бунёдкор” ва “Локомотив” (0:1) тўқнашувида Муҳаммад Абдулла Ҳасан реферилик қилган.
Холид Солиҳ ал-Тураиснинг жорий мавсумдаги бошқарган барча ўйинлари
20 февраль. ОЧЛ. 2003-2004. 1\8 финал.
“Похан Стилерс” (Ж.Корея) – “Чонбук Моторос” (Ж.Корея) – 1:1.
3 та сариқ карточка кўрсатган.
----------------------------------------------
15 март. Саудия Арабистони Про лигаси.
“Ал Таи” – “Ал Иттифоқ” – 1:1.
5 та сариқ ва 1 та қизил карточка кўрсатган.
-----------------------------------------------
12 март. ЖЧ-2026. 2-саралаш босқичи.
Жанубий Корея – Таиланд – 1:1.
1 та сариқ карточка кўрсатган.
---------------------------------------
3 апрель. Саудия Арабистони Про лигаси.
“Ал-Шабаб” – “Ал Риёд” – 1:0.
2 та сариқ карточка кўрсатган.
---------------------------------------------
20 апрель. Саудия Арабистони Про лигаси.
“Ал Ухуд” – “Дамас ФК” - 1:2
4 та сариқ карточка кўрсатган.
-----------------------------------------
4 май. Саудия Арабистони Про лигаси.
“Ал Таи” – “Ал Халеж” – 0:0
3 та сариқ карточка кўрсатган.
-------------------------------------------
17 май. Саудия Арабистони Про лигаси
“Ал Иттифоқ” – “Ал Ухуд” – 1:1
2 та сариқ ва 1 та қизил карточка кўрсатган.
----------------------------------------------
23 май. Саудия Арабистони Про лигаси
“Ал Риёд” – “Ал Насср” – 2:2
3 та сариқ ва 1 та қизил карточка кўрсатган.
---------------------------------------------------
27 май. Саудия Арабистони Про лигаси
“Ал Таи” – “Ал Ухуд” – 0:2
6 та сариқ карточка кўрсатган.
----------------------------------------------
11 июнь. ЖЧ-2026. 2-саралаш босқичи.
Австаралия – Фаластин – 5:0
4 та сариқ карточка кўрсатган.
----------------------------------------------
22 август. Саудия Арабистони Про лигаси.
“Ал Насср” – “Ал Райед” – 1:1
8 та сариқ карточка кўрсатган
----------------------------------------------
28 август. Саудия Арабистони Про лигаси.
“Ал Иттифоқ” – “Ал Ухуд” – 1:0
1 та сариқ карточка кўрсатган
----------------------------------------------
5 сентябрь. ЖЧ-2026. 3-саралаш босқичи.
Ироқ – Оман – 1:0
2 та сариқ ва 1 та қизил карточка
------------------------------------------------
13 сентябрь. Саудия Арабистони Про лигаси.
“Ал Тавуун” – “Ал Халеж” – 2:0
8 та сариқ карточка кўрсатган
-----------------------------------------------
17 сентябрь. ОЧЛ Элит 2004\2005.
“Шандонг Тайшан” – “Сентрал Кост Маринерс” – 3:1.
5 та сариқ карточка кўрсатган.
---------------------------------------------
27 сентябрь. Саудия Арабистони Про лигаси.
“Ал Қодисия” – “Ал Ахли” – 1:0
3 та сариқ карточка кўрсатган.
Фикрлар