Ўзбекистон Кубоги гуруҳ босқичига қачон қуръа ташланиши маълум

Лига Ўзбекистон Кубоги мусобақасига 7 март куни қуръа ташлайди. Жараён 18:00 дан бошлаб «Спорт» телеканали орқали жонли эфирга олиб чиқилади.

Мусобақа гуруҳ босқичида 32 та жамоа ўзаро саккиз гуруҳга бўлинган ҳолда иштирок этади. Бу хусусида ЎзПФЛ матбуот хизмати хабар бермоқда.

Қуръа давомида жамоалар ҳеч қандай саватларга ажратилмайди. Суперлига ва Про лига клублари, шунингдек, биринчи лиганинг айрим клублари гуруҳ босқичида тўғридан-тўғри иштирок этади.