Ўзбекистон Лига кубоги финалида VAR тизимидан фойдаланилади

«Ўзбекистонда футболни ривожлантиришни янги босқичга олиб чиқиш чора-тадбирлари тўғрисида»ги президент қарори лойиҳасида 2021 йилдан футбол бўйича Ўзбекистон чемпионатида видеотакрорлардан фойдаланишни йўлга қўйиш кўзда тутилган.

Ҳужжатда қайд этилишича, халқаро тажрибадан келиб чиқиб, Халқаро Футбол Ассоциациялари Федерацияси, Осиё Футбол Конфедерацияси талабларига мувофиқ 2021 йилги футбол мавсумидан бошлаб Суперлига жамоалари ўртасидаги учрашувларда адолат ва шаффофликни таъминлаш мақсадида VAR (Video Assistant Referee, видео ёрдамчи ҳакам) тизимини жорий этиш масаласи ҳам киритилган.
Қайсидир соҳада бирор янгиликни амалиётга жорий этиш учун маълум вақт, малакали кадрлар ва тажриба талаб этилади. Буни яхши англаган Ўзбекистон футбол ассоциацияси ва Ўзбекистон МТРК “Sport” телерадиоканали ҳамкорликда амалий ишларни бошлаб юборди. Эртага, 4 декабрь куни Пахтакор" ва АГМК клублари ўртасида Ўзбекистон Лига кубоги финал учрашуви бўлиб ўтади.

"Пахтакор" стадионида бўлиб ўтадиган учрашувда Ўзбекистон футболи тарихида илк бор VAR тизими синовдан ўтказилади. Жараёнда Ўзбекистон МТРК “Sport” телерадиоканали техник ва ижодий гуруҳи Ўзбекистон футбол ассоциацияси мутахассислари билан ҳамкорликда иш олиб боради. Бу ҳақда телеканалнинг ижтимоий тармоқлардаги расмий саҳифаси хабар бермоқда.

Бундан асосий мақсад, футбол учрашувларида адолат ва шаффофликни таъминлашдир. 

Фикрлар

Саралаш
Фикр қолдириш учун авторизациядан ўтинг!
&
Shaymardonov Nurbek Nasimovich
04/12/2019 01:59
Nasaf qiynalmasa kerak. uzbekistonga birinchi nasaf olib keluvdi. zamonaviy kamera ustanovkasini. agar akahonla olib ketmagan bulsa. nasaf bu yildan faydalansa ham buladi.
Жавоб ёзиш
&
ахмад49
04/12/2019 16:04
Тезрок жорий килиш керак,бу Шерзод Косимов,Азиз Асимов ва Андижонлик Тухтасинов каби хакамлар нохолис хакамлигига чек куйилар эди.
Жавоб ёзиш
Jasur Mamataliyev
04/12/2019 11:43
Пахтакор иккинчи қаватта хамма клубдан устун ва голларининг 70 фоизи бош билан урилган бу мухлислар нигохида кичик устунлик бўлиши мумкин лекин мана шу кичик устунлик катта ғалабалар натижаларни олиб келди агар ишонмасангиз ўйинларнинг видиоёзувини кўринг
Жавоб ёзиш
&
Сурхон
04/12/2019 10:20
Олдинрок бу тизим бизда ишлаганда эди. Пахтакор хеч,качон чемпион булолмасди. Динамо эса суперлигани тарк этмас эди.Сугдиёна ёхуд сурхон ОЧЛ да туп сураётган булар эди. Мен бу 3 та тошкент жамоасини мавсум бошида халк огзидан эшитгандим очл га йул олишини, нахот халк бунга куникиб колишди. Олдиндан узаро режаланган максадларинг хатто халк огзида.
Жавоб ёзиш