Ўзбекистон Малига қарши тўлиқ кўк либосда ўйнайди

Ўзбекистон ўсмирлар терма жамоаси эртага Малига қарши учрашув билан У-17 Жаҳон чемпионатидаги иштирокини бошлайди. Мазкур ўйинда футболчиларимиз тўлиқ кўк либосда, дарвозабонимиз эса тўқ сариқ либосда ҳаракатланади.

Учрашувни уругвайлик ҳакамлар бригадаси бошқариб боради. Бош ҳакам — Техера Густаво, унга қанотларда ҳамюртлари Баррерио Карлос ва Ниевас Андрес ёрдам беради. 4-расмий ҳакам вазифаси эса Аранда Априсманга (Индонезия) топширилган.

Эслатиб ўтамиз, Мали — Ўзбекистон ўртасидаги ЖЧ учрашуви 10-ноябрь соат 14:00 да старт олади.