Ўзбекистон миллий терма жамоаси Европа чемпиони билан ўртоқлик ўйини ўтказиши мумкин

Ўзбекистон футбол ассоциациясида биринчи вице-президент Равшан Эрматов ҳамда Греция Дипломатия ва халқаро муносабатлар институти директори Aндреас Aндрианопоулос ўртасида учрашув бўлиб ўтди. Бу ҳақда ЎФА матбуот хизмати хабар берди.

Унда Равшан Эрматов Греция билан ҳамкорликда икки мамлакат терма жамоалари ҳамда клублар ўртасида халқаро учрашувларни ташкил этиш, футбол мутахассисларини қайта тайёрлаш ва ўзаро тажриба алмашиш йўлида ҳар томонлама ҳамкорликни йўлга қўйиш яхши самара беришини таъкидлаб ўтди.

Aндреас Aндрианопоулос эса Ўзбекистон ва Греция миллий ҳамда турли ёш тоифалардаги терма жамоалари ўртасида халқаро ўртоқлик ўйинларини ташкил этиш имконияти мавжуд эканлигини таъкидлади. Бу ўз навбатида мухлисларда қизиқиш уйғотади ва икка мамлакат футбол ташкилотлари ўртасидаги муносабатларга ижобий таъсир кўрсатади. Шунингдек, “Олимпиакос”, “ПAОК” каби Европанинг номдор клубларида мураббийларимиз малака ошириши таклифи қўллаб-қувватланди.

Учрашув сўнгида Равшан Эрматов меҳмонга ЎФA таклифлар юзасидан ўзаро ҳамкорлик қилишга тайёр эканлигини билдирди.

Фикрлар

Фикр қолдириш учун авторизациядан ўтинг!
&
Турсун Ғани
17/07/2021 11:16
ИТАЛИЯМИ НАҲОТКИ ДЕБ РОСА СЕВИНИБ КИРСАМ. ҚАЧОНЛАРДИР 1 АДАШИБ ЧЕМПИОН БЎЛИБ ҚОЛГАН ГРЕЦИЯ ЭКАН. МУХЛИСЛАРНИ ЎҚИТИШНИ ЗЎР ЙЎЛИНИ БИЛАСАНЛАРДА... ЎША ГРЕЦИЯ БИЛАН ЎЙНАСА ҲАМ МАЙЛИ ЎЙНАСИН ЯНГИ ЎЗБЕКИСТОН ЖАМОАСИ... ЯНГИЛИКЛАРНИ КУТИБ ҚОЛАМИЗ. ФАҚАТ САРЛАВҲАСИ СУПЕР БЎЛИБ ИЧИ БЎМ БЎШ БЎЛМАСИН МТЖ ГА ЎХШАБ.
&
Kankret bola
17/07/2021 10:33
Bizani jurnalistlaga tiygan kasal bu gapi boshqa yoqdan opqochib keladi
&
umidjon omonov
17/07/2021 10:20
Сарловхенга уре. Ман Италия Билан уйнармикин диб уйлабман