Ўзбекистон МТЖ йиғин доирасида 2 та ўртоқлик ўйини ўтказади

Бугун Ўзбекистон миллий терма жамоасининг “Бунёдкор” стадионидаги ўқув-машғулот йиғинига старт берилади.

Бош мураббий Вадим Aбрамов 10 августга қадар давом этадиган ушбу йиғинга 28 нафар футболчини жалб этган.

Шунингдек, Тимур Кападзе бошчилигидаги Ўзбекистон U-19 терма жамоаси бугундан “Чиғатой” базасида йиғинга киришади.

Шу сабабли, 6 ва 9 август кунлари мазкур икки терма жамоа ўртасида ўзаро назорат учрашуви бўлиб ўтиши режалаштирилган. Бу ҳақда ЎФА матбуот хизмати хабар берди.

Юртимиздаги эпидемиологик вазиятни инобатга олган ҳолда, ўйинлар ёпиқ тарзда ўтказилади.