Ўзбекистон Суперкубогига энг кўп қайси стадион мезбонлик қилган?

Эртага Яйпанда Ўзбекистон Суперкубоги бўлиб ўтади. Суперлига чемпиони "Пахтакор", кубок соҳиби "Насаф"га қарши майдонга тушади.

Беллашувга "Ўзбекистон" стадиони мезбонлик қилади. Учрашув 16:00да бошланади. Ўйин олдидан айрим маълумотларни тақдим этамиз.

Суперкубок баҳси шу пайтгача 6 марта ўтказилган. Беллашувлар 2 марта "Бунёдкор" аренасида ташкил этилган. "Нефтчи", "Жар", "Пахтакор" ва "Динамо" стадионлари бир мартадан ўйинни ўзида қабул қилган. Эртага "Ўзбекистон" ўйингоҳи ҳам улар қаторига қўшилади. Ушбу стадион Суперкубок ўтказилган 6-стадионга айланади.

Қуйида Ўзбекистон Суперкубоги ўтказилган стадионлар билан танишинг:

1999 йил. "Нефтчи" стадиони (Фарғона)

2014 йил. "Жар" стадиони (Тошкент)

2015 йил. "Бунёдкор" стадиони (Тошкент)

2016 йил. "Бунёдкор" стадиони (Тошкент)

2019 йил. "Пахтакор" стадиони (Тошкент)

2021 йил. "Динамо" стадиони (Самарқанд)