Ўзбекистон Суперлигасидаги футболчиларнинг янгиланган трансфер нархлари билан танишинг

Ўзбекистон Суперлигасида мавсум якунига етди. Юқори темпда ўтган йил якунлари бўйича маълумотларни тақдим этишда давом этамиз.

Статистика билан шуғулланувчи "Transfermarkt" портали чемпионатимиз футболчиларининг янгиланган трансфер нархларини маълум қилди. Энг яхши натижа 200 минг еврони ташкил этади ва бу кўрсаткич Жамшид Искандеров, Отабек Жўрақўзиев, Саидазамат Мирсаидов ҳамда Руслан Жияновда.

Улардан кейин 150 минг евролик плюс билан Ҳусниддин Алиқулов, Зоран Марушич, Жамшид Болтабоев, Умарали Раҳмоналиев, Муҳаммадқодир Ҳамралиев, Бектемир Абдуманнопов ва Аббосбек Файзуллаев жойлашган.

Трансфер нархи 100 минг еврога ошган футболчилар эса қуйидагилар: Ҳусаин Норчаев, Рустам Ашурматов, Азизбек Турғунбоев, Акмал Мозговой, Рубен Санчес, Асад Собиржонов, Алибек Давронов, Шаҳзод Тоиров, Нурмуҳаммад Тошпўлатов, Музаффар Олимжонов ва Абдуллоҳ Омоналиев.