Ўзбекистон терма жамоаси Москвада Россия билан жавоб ўйини ўтказиши, бу баҳс мухлисларимиз учун нега муҳим деб айтилмоқда? ЎФА вице-президенти бу борада фикр билдирди

Ўзбекистон футбол ассосиасияси вице-президенти Одил Аҳмедов Россия терма жамоаси билан ўртоқлик ўйини ўтказиш бўйича Россия футбол Иттифоқи (РФИ) билан музокаралар қандай ўтгани ҳақида гапириб берди ҳамда кейинчалик жамоалар ўртасида жавоб ўйини ўтказилиши имкониятларини бўлишини ҳам истисно этмади.

- Халқаро бўлимимиз РФИ билан Тошкентда ўртоқлик учрашуви ўтказишга келишиб олди. Ўйинни Россияда ўтказиш ҳақида ҳеч қандай музокаралар бўлмаган. Ўзбекистон миллий терма жамоаси ноябрь ойида пойтахтимизда иккита ўйин ўтказишни режалаштирганди. Шундай бўлди: 16 ноябрда Қозоғистон билан, 20 ноябрда эса Россия терма жамоаси билан ўйнаймиз.

- ЎФА ва РФИ ўртасидаги музокаралар қанчалик қийин ва узоқ давом этди?

- РФИ билан музокаралар узоқ вақт давом этмади, биз биргаликда тезкор қарор қарор қабул қилдик ва ўйин санасини белгилаб олдик.

- Нима учун Россия билан ўртоқлик ўйини ўзбекистонлик мухлислар учун муҳим?

- Биринчидан, ўйин Тошкентда бўлиб ўтади. Анача танаффусдан кейин жамоамиз кетма-кет иккита уй учрашувини ўтказади. Иккинчидан, Россия термаси бизга яхши рақиблик қилади, ўйлайманки, мухлисларимиз учун байрам бўлади. Ўзбекистонга кучли жамоалар келгани ёқимли, албатта.

- Келажакда Россия билан яна бир ўртоқлик учрашув ўтказиш имкониятиниборми? Эҳтимол, Россияда?

- Албатта, мумкин. Ўзбекистон - Россия ўртоқлик ўйинига РФИ раҳбарияти ҳам келиши ҳақида хабар берилганди. Президент Александр Дюковни билмайман, лекин вице-президент Александр Алаев келиши аниқ. У Тошкентга келиши билан учрашиб, бу масалани муҳокама қиламиз, - деди Аҳмедов "Sport24" нашрига берган интервюсида.