Ўзбекистон ярим финалда Саудиядан енгилди. Олимпиада йўлланмаси кейинроққа қолди

Яна бироздан сўнг 23 ёшгача футболчилар ўртасида Осиё чемпионати ярим финалидан ўрин олган Саудия Арабистони - Ўзбекистон учрашуви ўтказилади. Ғалаба қозонган жамоа Токио-2020 Олимпиадасига йўлланмани қўлга киритади.

Ушбу муҳим ўйиннинг матнли трансляциясини сайтимиз орқали кузатиб боришингиз мумкин.

Жамоаларнинг таркиблари билан танишинг:

Жамоалар майдонга чиқиб келишди. Навтбати билан давлатлар мадҳияси янгради. Энди ўйин бошланиш арафасида.

1* Ўйин бошланди. ОЛҒА ЎЗБЕКИСТОН!!!

4* Томонлар айнайтда эҳтиёткорликка эътибор қаратишмоқда. Тўп учун кураш айни пайтда майдон марказида кечмоқда.

* Ҳожиакбар Алижонов қаршисидаги бир рақибни алдаб, тўпни Бобир Абдихолиқовга оширган вазиятда ҳужумчимиз ўйиндан ташқари ҳолатда қолиб кетган экан.

8* Исломжон Қобилов саудиялик футболчининг оёғига тепгани учун огоҳлантирилди.

12* Хавфли вазият! Бобир Абдихолиқов деярли бирга-бир вазиятга чиқиб, дарвозабоннинг устидан тўпни ошириб қўйганди. Бироқ тўп ноаниқ йўналиш олди.

18* Яна бир хавфли вазият! Бобир Абдихолиқов ҳимоячиларнинг хатосидан фойдаланиб қолмоқчи бўлди. Тўпни олиб, рақиб посбонидан ҳам ўтди. Аммо бўш дарвозага тўпни кирита олмади. Лекин ҳакам бу вазиятда қоида бузилганини ҳам қайд этди.

* Мухлисларимиз олимпия ҳалқаларини ҳосил қилишди.

25* Айни пайтга келиб бир нечта вазият яратдик. Ойбек Бозоров ва Жасурбек Яхшибоевда яхши имкониятлар бўлди. Бироқ улардан фойдалана олмадик.

28* Илҳомжон Алижонов чап қанотдан тўпни дарвозага йўналтирмоқчи бўлди. Бироқ яна зарбамиз ноаниқ чиқди.

31* Ҳакам футболчиларга сув ичиб олишларига имкон берди. Ҳаво яхшигина иссиқ.

35* Вакилларимиз ҳужумлар ташкил этишмоқда. Аммо якун ўхшамаяпти.

38* 30 метрлар узоқликдан араблар жарима зарбаси ишлаб олишди. Зарбани Абдулраҳмон Ғариб амалга оширди. Бахтимизга зарба анча ноаниқ.

42* Жасурбек Яхшибоев ўйинни ўзига олишга нитилмоқда. Аммо хатога йўл қўйяпти. Тўп узатишлари ўхшамаяпти.

45* Тайм охирида рақиб босим қилиб, жарима майдонимизда кетма-кет зарбалар берди. Яхшиямки, улар тепган тўпга ҳимоячилар ва дарвозабон қарши чиқмоқда.

45+1* Дастлабки бўлимга 1 дақиқа вақт қўшиб берди.

45+1* Биринчи тайм якунланди. Ҳисоб 0:0.

* Футболчилар майдонга чиқиб келишди. Иккинчи тайм бошланди.

48* Жасурбек Яхшибоев ўнг қанотдан жарима майдонига ёриб кираётганда чизиқ олдидан рақиб футболчиси уни йиқитди. Бизнинг фойдамизга стандарт вазияти. Абдулвосит Аҳҳинди огоҳлантирилди.

51* Жуда ҳам хавфли вазият юзага келди. Қарши ҳужумдан Абдулраҳмон Ғариб фойдалана олмади. У тепган тўп анча юқоридан ўтиб кетди.

55* Бобир Абдихолиқов жарима майдони ичида тўпни гавдаси билан ўзига бўйсундирди ва 3 метрдан дарвозага бепган тўпини рақиб посбони қайтарди. Бу орада қайтган тўпни қабул қилган саудияликларнинг қарши ҳужумини Абдулла Абдулла қўполлик билан тўхтатди ва огоҳлантирилди.

59* Али Алҳассан майдон марказида ойбек Бозоровни ушлаб қолгани учун огоҳлантирилди.

62* Ҳожиакбар Алижонов чиройли тарзда ташкил этилган ҳужумни давом эттириш учун жарима майдони ичида шерикларига тўпни оширди. Рақиблар эса қийинчилик билан тепиб юборишди.

66* Марказда Абдулла Абдуллаев тўпни олдириб қўйди. Бундан фойдаланган араблар қарши ҳужумга ўтиб, зарба йўллашди. Лекин ноаниқ.

69* Бобир Абдихолиқов ўрнига Ислом Кенжабоев майдонга тушди.

74* Ойбек Бозоров ўрнига Нурилло Тўхтасинов ўйинни давом эттиради.

80* Араблар сафида 3 та ўзгариш амалга ошириб бўлинди. Улар афтидан 90 дақиқада масалани ҳал этишмоқчи.

88* Гол. Саудиялик футболчи тепган тўп йўл йўлакай ўзининг ўйинчисига тегиб, дарвозамиздан ўрин олди.

90* Ўйинга 4 дақиқа қўшиб берилди.

90+4* Араблар қарши ҳужумдан яна гол уришди. Лекин гол инобатга олинмади.

90+4* Ўйин тугади. Саудия Арабистони 1:0 ҳисобида ғалаба қозонди ва ярим финалга йўлланма олди.