Ўзбекистон ёшлар терма жамоаси аъзоси фаолиятини "Сўғдиёна"да давом эттиради

Янги мавсум олдидан юксак мақсадларни кўзлаган “Сўғдиёна” футбол клуби таркибни кучайтиришда давом эттирмоқда.

Жамоа ярим ҳимоя чизиғини кучайтириш мақсадида тажрибали футболчи Оллоберган Каримов билан шартнома имзолади. Томонлар ўртасидаги келишув 2026 йил якунига қадар амал қилади.

Оллоберган Каримов профессионал фаолияти давомида Сўғдиёна ҳамда Бунёдкор жамоалари шарафини муносиб ҳимоя қилган. Шунингдек, у Ўзбекистоннинг турли ёш тоифаларидаги терма жамоаларда фаолият олиб борган.